البيانات اللي بنجمعها

• بيانات الحساب: الاسم، والإيميل، ورقم الموبايل، ومجال الشغل، والمحافظة.
• كلمة السر بتتخزن مشفّرة، ومحدش يقدر يشوفها، ولا حتى إدارة التطبيق.
• اللي بتكتبه في الأدوات والتقارير اللي بتطلع منها، علشان تقدر ترجعلها من حسابك.
• عدد الطلبات ونوع الأداة والمواصفة، علشان نحسب باقتك ونحسّن التطبيق.

بنستخدمها في إيه

• تشغيل حسابك وحفظ تقاريرك وحساب الاستهلاك والاشتراك.
• التواصل معاك بخصوص حسابك أو اشتراكك.
• إحصائيات عامة من غير أسماء، علشان نطوّر الأدوات.

الذكاء الاصطناعي

علشان نطلعلك التحليل، اللي بتكتبه في الأداة بيتبعت لخدمة Claude من شركة Anthropic. متكتبش بيانات سرية أو شخصية عن عملاء أو موظفين أو مرضى. واكتب الوصف بشكل عام من غير أسماء.

مشاركة البيانات

مش بنبيع بياناتك ولا بنشاركها مع أي جهة للتسويق. البيانات متخزنة على سيرفر الاستضافة الخاص بالتطبيق.

حقوقك

من حقك تطلب نسخة من بياناتك، أو تعديلها، أو مسح حسابك وتقاريرك نهائيًا، من خلال التواصل مع إدارة التطبيق.

التقارير والمسؤولية

التقارير اللي بيطلعها التطبيق مساعدة استرشادية، ومش بديل عن مراجعة مختص أو عن نص المواصفة الرسمي أو قرار جهة المنح.